Monday, November 3, 2008

പറുദീസാ നഷ്ടം

ആദത്തെ സൃഷ്ടിച്ചൂ - ഏദനിലാക്കി ദൈവം
ഏകനായിരിക്കാതെ - സ്ത്രീവേണം കൂട്ടവന്‌
നിദ്രയിലാദത്തിന്റെ - യസ്ഥിയേലൊന്നെടുത്തു
സ്ത്രീയാക്കിച്ചമച്ചവള്‍ - ക്കവ്വായെന്നു പേരുമിട്ടു.

തോട്ടം സൂക്ഷിപ്പാനും - കായ്‌കനികള്‍ ഭക്ഷിപ്പാനും
തോട്ടത്തിലവരെ - കാവലുമാക്കി ദൈവം
തോട്ടത്തിന്‍ നടുവില്‍ നില്‍ക്കും - വൃക്ഷത്തിന്‍ ഫലം നിങ്ങള്‍
തിന്നുന്ന നാളില്‍ - മരിക്കും നിശ്ചയം തന്നെ.

ആദത്തെ വഞ്ചിപ്പാന്‍ - സാത്തനൊരു സൂത്രമെടുത്തു
സര്‍പ്പത്തിന്റെ വായില്‍ കേറി - സാത്താന്‍ വദിച്ചീവണ്ണം.
"തോട്ടത്തിന്‍ നടുവില്‍ നില്‍ക്കും - വൃക്ഷത്തിന്‍ ഫലം നിങ്ങള്‍
തിന്നുന്ന നാളില്‍ കണ്ണുതുറക്കും നിങ്ങള്‍
കണ്ണുതുറക്കും നിങ്ങള്‍ - ദൈവത്തെ പോലെയാകും."

നേരെന്നു വിശ്വസിച്ചു പഴം രണ്ടവള്‍ പറിച്ചു
ഒന്നവള്‍ തിന്നുവേഗം - പതിക്കും നല്‍കിയൊരണ്ണം
തിന്നപ്പോളിരുവരും - നഗ്നരായ്‌ തീര്‍ന്നുപോയി‌.

ഈശന്റെ പാദസ്വനം - കേട്ടവര്‍ ഭയന്നിട്ട്‌
നഗ്നത നീക്കീടുവാ - നില തുന്നിധരിച്ചവര്‍.
ഈശന്നു കോപം വന്നൂ-ആദത്തൊടു ഗര്‍ജ്ജിച്ചൂ:
"ഇതിന്നോ ആദമെ - നിന്നെ ഞാന്‍ സൃഷ്ടിച്ചു."

"കൂട്ടയിത്തന്ന സ്ത്രീ പഴം തന്നൂ - ഭക്ഷിച്ചൂ"
ആദത്തിന്‍ മറുവാക്കി - ലഖിലേശന്‍ കോപിച്ചു,
തോട്ടത്തില്‍ നിന്നവരെ - യാട്ടിപ്പുറത്തിറക്കി
മാലാഖമാരെ - കാവലുമാക്കി ദൈവം.

മൂലകഥാവലംബം:
വി: വേദപുസ്തകത്തിലെ ഉല്‍പത്തി പുസ്തകത്തിന്റെ രണ്ടാം അദ്ധ്യായം: ഏഴ് മുതല്‍ പതിനേഴ് വരെയും, മൂന്നാം അദ്ധ്യായം: ഒന്ന് മുതല്‍ ഇരുപത്തിനാല് വരെയുമുള്ള വാക്യങ്ങളില്‍ നിന്നും.

ഇനി മാര്‍ഗ്ഗംകളി പാട്ട്, പരിചമുട്ടുകളി പാട്ട് എന്നിവയെക്കുറിച്ച് എന്തെങ്കിലും അറിയണമെങ്കില്‍ ദാ ഇവിടെ നോക്കുക.

7 comments:

മറ്റൊരാള്‍\GG said...

ആദാമിനേയും ഹവ്വായേയും ഏദന്‍‌തോട്ടത്തില്‍ നിന്ന് പുറത്താക്കിയ സംഭവം മാര്‍ഗ്ഗംകളിപ്പാട്ടിന്റെ രൂപത്തില്‍..

അപ്പു said...

മറ്റൊരാളേ, നന്ദി!

Sebin Abraham Jacob said...

ചില പാഠഭേദങ്ങള്‍:

1)ആദത്തെ സൃഷ്ടിച്ചുടനേദനിലാക്കീ ദൈവം

2)തിന്നുന്ന നാളില്‍ മരണം നിശ്ചയം തന്നെ

3) തിന്നപ്പോളിരുവരും നഗ്നരായ് ചമഞ്ഞല്ലോ

4) "ഇതിനോ, ആദമേ നിന്നെ ഞാന്‍ തോട്ടത്തിലാക്കി?"

മറ്റൊരാള്‍\GG said...

അപ്പു: :)

സെബിന്‍: താങ്കള്‍ ചൊല്ലിയ പാഠഭേദങ്ങളാണ് ഇവിടെ കൂടുതല്‍ യോജിക്കുന്നത്. നന്ദി.

നാലാമത്തേത് അതേപടി ‘ഈനാട്‘ എന്ന മലയാള സിനിമയിലെ ഒരു പാട്ടിന്റെ ഇടയ്ക്ക് രണ്ട് വരിയായി ഉപയോഗിച്ചിട്ടുണ്ട്. “ഇതിനോ ആദമേ നിന്നെ ഞാന്‍ തോട്ടത്തിലാക്കി. തോട്ടം സൂക്ഷിപ്പാനും കായ്‌കനികള്‍ ഭക്ഷിപ്പാനും...“

::സിയ↔Ziya said...

കൊള്ളാം...

പോങ്ങുമ്മൂടന്‍ said...

മറ്റൊരാളേ,
കൊള്ളാം.

:)

malayalee said...

ലോകമെമ്പാടുമുള്ള 1000കണക്കിന്‌ മലയാളീകളെ കണ്ടെടുക്കുക

നിങ്ങള്‍ ആഗ്രഹിക്കുന്നുവെങ്കില്‍ നമുക്ക് ഒന്നായി ചേര്‍ന്ന് ഒറ്റ സമൂഹമായി ഒരു കുടക്കീഴില്‍ അണിചേര്‍ന്നിടാം. നിങ്ങളുടെ ചിന്തകളും വികാരങ്ങളും പരസ്പരം പങ്കു വയ്ക്കാന്‍ ആഗ്രഹിക്കുന്നുവോ ? ദയവായി ഇവിടെ ക്ലിക് ചെയ്യുക http://www.keralitejunction.com

ഇതിന്‌ ഒപ്പമായി മലയാളീകളുടെ കൂട്ടായ്മയും ഇവിടെ വീക്ഷിക്കാം http://www.keralitejunction.com